Evdə böyük pəncərələr niyə olmasın?

https://www.youtube.com/watch?v=Oy1GYvVsYDU&feature=youtu.behttps://www.youtube.com/watch?v=Oy1GYvVsYDU&feature=youtu.be

Son vaxtlar böyük pəncərəli evlər, böyük şüşə eyvanlar və verandalar dəbdədir. Belə iri həcmli şüşə pəncərələrin-divarların faydasının çox olduğunu hələ nənə və babalarımız da bilirdi. Bəs belə iri həcmli pəncərələrin hansı çatışmazlıqları var?!

Hansı məqamlara diqqət edilməlidir?

 Böyük pəncərələr dəbdə oldugu qədər də arzuolunandir. Onlar mənzilinizi bol işıqla təmin edir, xüsusən də əgər pəncərələr gözəl mənzərəyə açılırsa əhval-ruhiyyəniz də yüksəldir, özünəməxsus tərz də yaradır.

         Böyük pəncərə ilə otağınız rahat, kamfortlu, işıqlı olur, şüşə divarlar məkanı vizual olaraq genişləndirir.

         Eləcə də məlumdur ki, evdə pəncərələr çox olduqca bir o qədər də evi isitmək çətin olur. Bu səbəbdən də şüşəli divar  və ya pəncərələrin yeri düzgün müəyyənləşdirilməlidir.

         Misal üçün, əgər böyük pəncərəniz cənub və ya cənub şərq tərəfdə yerləşirsə onlar daha düzgün yerləşmiş hesab olunur. Belə olduqda gün ərzində evinizə yetərin qədər gün işığı düşəcək, nəticədə eviniz həm isinəcək, həm də işıqlı olacaq. Heç bir halda şimal tərəfdə böyük  pəncərə yerləşdirməyin. Belə olduqda otağı isitmək çətin olacaq həm də qızdırıcı sistem üçün ödəyəcəyiniz hesab sizi heç də sevindirməyəcək.

         Öz evinizdə böyük həcmli pəncərənin olmasını planlayırsınızsa şüşənin istilik ötürmə əmsalına diqqət edin. Əmsal göstici aşağı olduqca istilik itkisi də bir o qədər çox olur. Əlbətdə ki, evdə istilik itkisi pəncərə çərçivəsindən də aslıdır. Buna görə də bütöv pəncərənin istilik ötürücü əmsalı nəzərə alınmalıdır. Bir də belə pəncərələr düzgün quraşdırılmasa istilik itkisini qoruyub saxlaya da bilməyəcək. Odur ki, bu işdə də mütəxəssislərə etibar edilməli, qeyd edilən nüanslar peşəkar mütəxəssis tərəfindən dəqiqləşdirilməlidir.

         Pəncərə seçərkən necə açıldığına da diqqət edin. panoram tipli pəncərələr adətən ağır çəkili olur, buna görə də o daha möhkəm və davamlı olmalı, eyni zamanda rahat açılmalıdır. Belə boyük şüşə pəncərə və ya şüşə divar yığdırdığınız zaman siyirməli qapılardan seçim etməniz daha münasib olar. Əgər məkanınız yetərli qədər genişdirsə funksional, çərçivəsiz  pəncərələrdən istifadə edə bilərsiniz. Belə olduqda pəncərəniz həm yuxaridan enib açıla bilən, həm sadə yana açılan, eyni zamanda siyirmə vasitəsi ilə yığılan ola bilər. Yığılan pəncərə-divarlar çox münasib olur. Onları mərkəzdən yanlara, ya bir tərərfə sürüşdürərək geniş mənzərəyə aça bilərsiniz. İstəyinizə uygun olaraq isə 1-2 layını da açıb keçid üçün istifadə edə bilərsiniz.

         Əgər Siz bağ evində yaşayırsınızsa panoram şüşə pəncərələrdən qış baxçası, şüşə hovuz, şüşəli pavilyon-besedkalar hazırlada bilərsiniz.

         Sizin arzü istəklərinizi reallaşdırmaq üçün peşəkarlara etibar edın. Məhz onlar Sizə zərbəyə, isti-soyuğa, səs-küyə, rütubətə davamlı şüşələr təklif edə bilər.

         Daxili məkanın dizayn həlli zamanı çalışmaq lazımdır ki, şüşə divarın önünə mebel yerləşdirilməsin. Əgər otağınız yetərli qədər genişdirsə belə probləminiz yaranmayacaq.